КРЕСТЬЯНА КОНФЕРЕНЦИЯ НЁБДІНЫН

Крестьяна конференция чукӧртчыліс 17 лунӧ апрель тӧлысьын. Конференция вылӧ волісны 75 делегат. Первой на революция бӧрын вӧчисны доклад уездса исполком уджалӧм йылысь. Висьталӧм кывзӧмъяс бӧрын ёна вензисны. Став сёрнияс кузя конференция шуис: вӧлӧсьтын уджалысьяслы колӧ мынтысьны унджык, медся ёна учительяслы. Кер дорын уджсӧ нуӧдысьясӧс колӧ вежлавны крестьяна пиысь петӧм йӧзӧн. Конференция шуис — мед пӧ тшӧкыдджыка мӧдӧдлывласны каръяссянь врачьясӧс да агрономъясӧс. Нёбдінӧ либӧ Шойнатыӧ колӧ восьтыны семилетка-школа.

Вӧлӧсьтувса исполкомлы

конференция шуис: уджавны исполкомлы выль петӧм законъяс серти, бурджыка колӧ пӧ вӧчӧдны москияс, потшӧдны потшӧсъяс, керка вывъясысь идравны идзас. Корны Обласьтувса Исполком пыр восьтыны Опонасей лунся ярманга Нёбдінын. Школаясын колӧ дзоньтавны партаяс, вичко дор школаӧ мӧд восянь босьтны кык стӧрӧж.

Мӧда-мӧдлы отсасян комитет йылысь

конференция шуис: чукӧртны став шленӧ пырӧмъяссяньыс пайсӧ, отсавны дӧваяслы да гӧль йӧзлы гӧрны-кӧдзны.

Удждысян тӧварищество

висьталӧм кузя конференция шуис: нянь таво воис зэв омӧль, нажӧтка омӧль жӧ, сӧмын кынӧмпӧт; удждӧм сьӧмлӧн срокыс воны кутіс, мынтыны сійӧс ӧні некыдзи огӧ вермӧй. Кутас лунысь-лун пеня содны. Корны Обисполком пыр, мед сроксӧ удждысьӧмнымлысь нюжӧдасны декабр тӧлысьӧдз, выль нажӧткаӧдз.

Микайлӧ Казаков.