КООПЕРАТИВЛӦН УДЖЫС ВЕСЬКЫДА ДАЙ БУРА МУНӦ

Нёбдінын (Кулӧмдін уездын) кооперативса шленъяслӧн апрель тӧлысьын вӧлі собранньӧ. Сэні сёрнитісны кооператив уджалӧм йылысь. Кооперативлӧн правленньӧыс уджалӧма бура. Октябр тӧлыссянь бергӧдчӧма тӧвар 9.977 шайт дон.

Тӧварсӧ вузавлӧмаӧсь ньӧбӧм сертиыс 13 прӧчентӧн донаджык. Во джынйӧн барышыс воӧма 500 шайт.

Собранньӧыс шуис барыш вылас ньӧбны кӧйдыс весалан машина «Триер». Доныс сылӧн 330 шайт. Кооперативса шленъяслысь кӧйдыссӧ сійӧ машинанас весавны шуисны дон босьттӧг, коді абу шленын — босьтны дон 5 ур быд пудйысь.

Сэсся кооперативлы тшӧктісны водзӧ видзны вайлӧм уж (мерин).

Собранньӧ шуис босьтны шеф улӧ Нёбдінса пионер чукӧр; шуисны сетны пионер чукӧрлы 5 шайтӧн быд тӧлысь.

Казаков.