СТАВСОЮЗСА СӦВЕТЪЯСЛӦН 3-ӧд СЪЕЗД

Мӧскуаын май 13-ӧд лунӧ воссис Ставсоюзса (СССР) Сӧветъяслӧн 3-ӧд съезд. Став делегатыс тайӧ съезд вылас воӧма 2216 морт.

Унджык сёрниыс съезд вылын лоӧ крестьяналысь овмӧс кыпӧдӧм йылысь.

Медводдза заседанньӧ вылас (май 13-ӧд лунӧ) Съездлы вӧчис ПЕТРОВСКӦЙ ёрт (Ставукраинаса ЦИК-ын юралысь, СССР-са ЦИК-ын тшӧтш председательын) доклад: Туркменса да Узбекистанса Сӧветса Республикаяслысь (асыв-лунвылын) СССР-ӧ пырӧм йылысь.

Мӧд заседанньӧ вылас (рытнас сійӧ жӧ лунӧ) Съездлы вӧчис доклад Рыков ёрт СССР-са правительстволысь удж нуӧдӧм йылысь.