КӦРТӦДЫС ДОНАДЖЫК ВИСЬЫССЬЫС

Кулӧмдінса доктор неважӧн вӧчис ӧти мортлы операция. Сы бӧрын сэсся ранасӧ сылысь докторыд бура кӧрталӧма. Мортыд кыкысь кымын больничаӧ воліс. Ӧтчыд сійӧ морттӧ аддзӧма Кулӧмдінса Здравотделын юралысь — Соловьев — дай шуӧма: «Мыйла нӧ тэныд та мында кӧртӧдсӧ гартӧмаӧсь? Тэ ӧд ачыд кӧртӧд доныс он сулав»... Мортыд сэсся шемӧс лоӧма. Сӧвет власьт пӧ тай нӧ старайтчӧ висьысьясӧс бурдӧдны, оз кӧртӧдъяс жалитны.

Со на кутшӧма миян висьӧмъясысь старайтчысь ыджыд Соловьевыд, шогсьӧ кӧртӧд бырӧмысь, оз йӧзлысь дзоньвидзалунсӧ видзӧм вӧсна.

Йӧрш.