МЕДВОДДЗА ЙӦЗЫС КОЛЬӦМАӦСЬ МЕДБӦРӦ

Лоймаса (Сыктыв уездын) волисполкомын воддза юралысьясыс — Василей Леонтьевич Иевлев да Евгеней Григорьевич Безносиков — ӧнӧдз на эз мынтыны ассьыныс сельскокӧзяйственнӧй налогнысӧ: ӧтиксяньыс колӧ 5 шайт да 67 ур, мӧдсяньыс 3 шайт да 96 ур. Медбӧръя срокыс коли нин тӧлысьӧн-джынйӧн (апрель 1-ӧд лунӧ.)

Тайӧяс вылӧ видзӧдӧмӧн сэсся эз на жӧ мынты важ секретарыс (ӧні «Северолесса» приёмщикын) — Микайлӧ Опонасьевич Помысов. Гӧтырыс сылӧн служитӧ Летка школаын велӧдысьын. Кыкӧн босьтӧны жалӧванньӧ бура уна (шайт 75 кымын тӧлысьнас) эськӧ да, Сельхозналогнысӧ — 3 шайт да 47 ур — оз вермыны мынтыны срок кежлӧ.

Татшӧм гӧгӧрвоысь йӧзыдлы яндысьны колӧ налог мынтӧмтӧ нюжӧдӧмсьыд.

С-ор №.