ОКТЯБРИНА

Проньдорын (Емдін уездын) вӧлі октябрина. Проньдорын тайӧ октябринаыс вӧлі медводдза на. Ӧти беспартийнӧй крестьянин Прокушев Ёгор, 53 арӧса, гӧгӧрвоис попъяслысь ылӧдчӧмсӧ, ассьыс кагасӧ эз ну вичкоӧ пыртны, вӧчис сылы октябрина.

Кагалы нимсӧ сетісны Роза — Роза Люксембург кузя. Сэсся висьталісны октябрина йылысь, чествуйтісны Розаӧс коммунист, комсомол ячейкаяссянь, пионеръяссянь. Вочакыв висьталіс Розалӧн батьыс. Сійӧ шуис: „Ме кора коммунистъясӧс, комсомолечьясӧс, мед найӧ быдтасны менсьым кагаӧс, мед сійӧ оз нин ло миян кодь пемыд, мед оз сюр попъяс кипод улӧ». Розалы ячейкасянь сетісны козин: — сьӧм 10 шайт, 4 аршын ситеч, дӧрӧм, нёнь.

Октябрина вылын йӧзыс вӧлі зэв уна; пӧрысь и, том и, челядь и. Бура колльӧдӧм вӧсна, октябрина быдӧнлы зэв воӧма сьӧлӧм выланыс.

Сэтчӧс.