ГИНДЕНБУРГ ПУКСИС ВЛАСТВУЙТНЫ

«Енкӧд сар вӧсна!» — Гинденбург кутас зільны выль война панны Сӧветса Россиякӧд.

Берлин (Германиялӧн столича). Май 12-ӧд лунӧ генерал Гинденбург (выль президент Германияын) воис Берлин карӧ. Туй вылас сійӧ локтігӧн некутшӧм йӧзӧс эз лэдзны асывсяньыс. Кыкнан бокас туй кузяыс вӧлі сувтӧдӧма депутатъясӧс монархическӧй организацияясысь (сар дор уджалысьясӧс). Берлинса вокзалӧ Гинденбурглы паныд волісны: главнокомандующӧй — генерал Сект, правительствоын юралысь (премьер) Лютер да пӧшти став правительствоса шленъясыс. Паныд петалысьяс нуисны флаг, сэтчӧ гижӧма: «Енкӧд сар вӧсна да Империя вӧсна!» («С богом за кайзера и за империю!»).

Рабочӧйяс оланінъясын (кварталъясын) коммунистъяс вӧчисны демонстрацияяс. Кывъяс висьтавлісны сэні коммунист партияын юралысьяс (вожди). Найӧ шуисны: Гинденбург пӧ кутас зільны выль война панны, сӧмын оз кут рытыввывса государствояскӧд воюйтны, кутас пӧ отсавны ставмувывса капиталистъяслы (буржуйяслы) воча мунны Сӧветса Россиялы.