СЪЕЗДВЫВСА ДЕЛЕГАТКАЯСЛӦН ЧУКӦРТЧЫЛӦМ

Россияса (РСФСР) сӧветъяслӧн 12‐ӧд съездвывса да Ставсоюзса (СССР) сӧветъяслӧн 3-ӧд съездвывса делегаткаяслӧн вӧлі сӧвещанньӧ.

Став делегаткаыс сё кымын. На пиысь дас делегатка партийнӧйӧсь, мукӧдыс беспартийнӧй. Сӧвещанньӧ вылын доклад вӧчис ЦК РКП бердса роботнича юкӧдысь заведующӧйсӧ вежысьыс — Артюхина ёрт. Артюхина ёрт висьталіс: ӧні пӧ медунджык удж сиктъясын — паськӧдны быдлаын делегатскӧй собранньӧяс, зільны крестьянкаясӧс пыртны партияӧ да кутчысьӧдны сӧвет уджъясӧ.

Сиктъясын сӧветӧ бӧрйысьӧм пӧ ӧні муніс колян во серти бурджыка. Крестьяна ёнджыка мӧвпалӧмӧн нин бӧрйисны сӧветъясӧ йӧзсӧ дай унджыкӧн нин бӧрйысигас волісны. Сы вӧсна сӧветъясӧ веськаліны мукӧдлаас коймӧд юкӧныс нывбаба.