ЗӦВСЬӦРТ ВӦЛӦСЬТЫН

(Емдін уездын)

Крестьяна конференция вылӧ чукӧрмыліс 60 делегат. Волисполком удж йылысь доклад вӧчӧм бӧрын конференция шуис корны уджӧн кӧйдыс босьтысьяслы мынтан сроксӧ нюжӧдыштны, няньыс ньӧти абу воӧма таво да.

Мед волисполком бурджыка уджалас, корны сылысь собранньӧяс вылын тшӧкыдджыка висьтавлыны аслас удж йылысь. Тӧдмавны бурджыка став йӧзыслысь видз-му лыдсӧ, мед налог пукталӧм лоӧ веськыдджык.

Удждысян тӧварищество доклад бӧрын конференция шуис водзӧ кежлӧ корны Сельхозбанклысь чинтыны удждысигӧн прӧчент, сэсся корны, босьталӧм сьӧм вылӧ мед мынтан сроксӧ нюжӧдас.

Мӧда-мӧдлы отсасян комитет доклад кузя конференция шуис зільны став йӧзсӧ пыртны комитетас.