КӦРТКЕРӦСЫН

(Кулӧмдін уездын)

Нардомӧ луннас чукӧртчисны коммунистъяс, комсомолечьяс, профсоюзса шленъяс, пионеръяс, крестьяна, сэсся велӧдчысьяс. Чукӧртчӧм бӧрын мунісны сьылігтырйи флагъясӧн исполком дінӧ. Сэні висьтавлісны Май 1-ӧд лун йылысь. Сы бӧрти став организацияяссянь висьтавлісны чолӧмбыттьӧяс.

Висьтавлӧм бӧрын вӧлӧсьт кузя вӧлі демонстрация.

Рытнас праздник колльӧдісны Нардомын. Йӧзыс дзик Нардом тыр вӧлі. Вӧліны 55 арӧса нывбабаяс. Сэні бара висьтавлісны Май 1-ӧд лун йылысь. Пионеръяс став йӧз водзын сетісны кӧсйысьӧм (торжественное обещание) мунны Ленин индӧм туйӧд. Сэсся вӧлі октябрина Казаков ёрт кагалы. Нимсӧ сетісны «Май». Висьтавлісны октябрина йылысь да Майлы чолӧмбыттьӧяс коммунист ячейкасянь, комсомолсянь, пионеръяссянь. Изъюрова ёрт висьталіс, кыдзи колӧ видзны асьнысӧ нӧбасьысь нывбабаяслы.

Медбӧрын вӧлі спектак. Ворсісны пионеръяс рочӧн пьеса «Будь здоров».

П. С. Попов.