МОРДІН

Кулӧмдін уездын

Медвойдӧр коммунист ячейкасянь Шевелёв ёрт висьталіс: кыдзи тайӧ луныс чужӧма, мыйла уджалысь йӧз 1889 воын шуӧмаӧсь празднуйтны.

Сэсся Изъюров ёрт висьталіс, кутшӧма нин ӧнӧдз ёнмӧма Сӧветса государство. Сы бӧрын висьтавлісны: РЛКСМ-сянь, пионеръяссянь, нывбабаяс чукӧрсянь да велӧдысь Тюрнин ёрт.

Лыддьысян керкаын вӧлі нигаяс петкӧдлӧм (выставка) йӧзлы висьтавлӧмӧн, кутшӧм бур вермӧ вайны нигаыд. Лыддьысян керкасянь клубӧдз мунісны гӧрд флагъясӧн. Сэні уна йӧз дырйи вӧчисны Октябрина — выль ногӧн кага нималӧм. Кор висьталісны, мыйла тадзсӧ нималӧны, йӧзлы зэв сьӧлӧм вылас воис, шуӧны: збыль пӧ тай нёль да вит кагатӧ ӧти купеляд попнад тупльӧдлігӧн вермас дзоньвидза кагаыд сісьмыны, эм кӧ вит пиас ӧтик висьысь кага. Гражданаыс кӧсйысьӧны поплы не сетны кага пыртны, а вӧчны Октябрина.

Медбӧрын потребобщество гӧститӧдіс став йӧзсӧ — 176 мортӧс — тшайӧн, быдӧнлы вӧлі сетӧма булкиӧн да кык стӧкан тшайӧн.

Лӧкчим пи.