КООПЕРАТИВ СТРӦИТІС ЁН МЕЛЬНИЧА

Тӧлысьӧн вермӧ изны 15 сюрс пуд нянь. — Изӧмысь босьтӧ джын дон мукӧд мельничаяс серти.

Сернӧсын (Сыктыв у.) март тӧлысь помын эштіс мельнича. Мельничасӧ стрӧитіс Сернӧсса Потребительскӧй Общество, став шленъяс отсӧгсорӧн. Мельничаыс Потреб. Обществоыслы сувтіс 6000 шайт дорысь унджык, да сэсся 3000 пӧденщина уджалісны прӧста сылӧн шленъясыс. Мельнича вермӧ изны 15 сюрс пуд нянь тӧлысьнас (500 пуд суткиӧн). Изӧмысь босьтсьӧ 4 урӧн пудйысь — джын дон мукӧд мельникъяс серти.

Мельничаас кык изан пӧстав да ӧтик дернитан (вылыс кышсӧ кулян) пӧстав. Пызь артмӧ зэв мича.