ОБИСПОЛКОМЫН

Апрель 27-ӧд лунӧ Обисполкомлӧн Президиум шуис:

Обисполкомлысь Ыджыд Пленум

чукӧртны юнь 1 лунӧ. Сёрнияссӧ лӧсьӧдӧма: 1) Обисполком Президиум удж йылысь; 2) Сӧветъяслысь удж босьтчӧдӧм-ёнмӧдӧм йылысь; 3) Сысола уездувса да Кулӧмдін уездувса Уисполкомъяс удж йылысь; 4) 1925−26 во вылӧ бюджет лӧсьӧдӧм йылысь; 5) Тавося да водзӧ вылӧ кер лэдзӧм йылысь; 6) Видз-му уджалӧм босьтчӧдӧм да сы вылӧ удждысьӧм йылысь; 7) Мастерство уджъяс босьтчӧдӧм йылысь; 8) Стрӧитчӧм йылысь; 9) Дзоньвидзалун видзысь юкӧд удж йылысь.

Карсӧветӧ (горсовет) бӧрйысьӧм

президиум шуис лӧсьӧдны юнь 21-ӧд лунӧ.

Читса вӧзйысьӧны Кӧдзвыв вӧлӧсьт улӧ.

Обисполком кыпӧдіс сёрни ВЦИК президиум водзын Чит сикт Выльгорт вӧлӧсьт улысь сетны Кӧдзвыв вӧлӧсьт улӧ. Читсаӧс Кӧтшпомсакӧд ӧтлаавны ӧти Сельсӧветӧ.

Радио лӧсьӧдӧм.

Обисполком шуис Сыктывкарӧ да Изьваӧ лӧсьӧдны гора кылана радио-телефон станцияяс (мӧдӧдан). Ызйӧдны Волисполкомъясӧс асланыс сьӧм вылӧ лӧсьӧдавны радиопримитанъяс. Тадзӧн Обисполком надейтчӧ ёнджыка йитчыны вӧлӧсьтъяскӧд.