РОЧ КАРЫН КОМИ РЫТ

Апрель 21-ӧд лунӧ Перымын коми студентъяс вӧчисны коми рыт. Студентъяслӧн клубыс дзик тыр вӧлі йӧзӧн. Воӧмаӧсь став коми, пермякъяс и удмуртъяс; уна вӧлі и роч йӧз. Быдсӧн локтӧмаӧсь коми йӧзлысь ворсӧм видзӧдны.

Лихачёв ёрт висьталіс комиӧн, кыдзи олӧны коми йӧз, кутшӧма найӧс дзескӧдліс сарскӧй правительство, кутшӧма ӧні радейтӧ Сӧвет власьт; висьталіс коми культура йылысь. Сэсся ассьыс висьталӧмсӧ помалігӧн Лихачёв ёрт чукӧстіс коми студентъясӧс: велӧдчӧм бӧрын мунны уджавны коми йӧз пиӧ.

Сы бӧрын коми велӧдчысь йӧз ворсісны Нёбдінса Витторлысь «РАЙЫН». Ворсісны зэв бура. Ворсӧм бӧрын лыддялісны уна коми стихотворенньӧяс; Питю Ӧньӧ (пермяк) сьыліс да лыддяліс ассьыс гижӧдторъяссӧ; Митюшов ёрт сьыліс да скрипкаӧн ворсіс «шондібанӧй олӧмӧй».

Став коми рытыс муніс вывті бура. Рочьяс ёна зэв шензисны, шуӧны: прамӧя жӧ пӧ тай коми йӧз кужӧны сцена вылас ворсны.

Та бӧрын колӧ шуны, мед коми студентъяс да мукӧд коми велӧдчысьяс унджыкысь вӧчаласны татшӧм коми рытъяссӧ, петкӧдласны ассьыныс верманасӧ рочьяслы да мукӧд йӧзлы.

Ст. Цывунин.