ВОССИС ВЦИК 3-ӦД СЕССИЯЛӦН МӦД ЧУКӦРТЧӦМЫС

РСФСР-са конституция ӧткымынлаті вежасны.

Мӧскуаын май 5-ӧд лунӧ воссис ВЦИК-са 3-ӧд сессиялӧн мӧд чукӧртчылӧмыс. Киселёв ёрт (ВЦИК-ын шлен-секретар) висьталіс, кутшӧм декретъяс да постановленньӧяс лэдзавліс ВЦИК-лӧн президиумыс мӧда-коймӧда сессия костас. Сессия Киселёв ёртлысь докладсӧ утвердитіс. Сэсся сессия заводитчис нуӧдны сёрни, кытъясті вежлавны да мыйяс колӧ содтыны РСФСР-са закон чукӧръясӧ (кодексъясӧ).

Та бӧрти вӧлі доклад Наркомюст Курскӧй ёртлӧн кытсюрӧ РСФСР-са конституция вежлалӧм йылысь. Вензьӧмын (в прениях) шуисны вель ёна конституциясӧ вежлавны.