СТАВУКРАИНАСА СӦВЕТЪЯСЛӦН 9-ӦД СЪЕЗД

Воис Каменев ёрт

Май 3-ӧд лунӧ Харьковӧ Ставукраинаса Сӧветъяс Съезд вылын тшӧтш удж нуӧдӧм вылӧ воис СССР-са Совнаркомын председательсӧ вежысьыс (заместитель) Каменев ёрт. Каменев ёртлы паныд вокзал вылӧ волісны делегатъяс Харьковса рабочӧйяссянь, профсоюзъяссянь, Гӧрд армиясянь. Волісны тшӧтш Украинаса правительстволӧн шленъясыс. Каменев ёртлы сетіс рапорт Украинаса да Крымса войскаясын командующӧйыс Егоров ёрт. Каменев ёрт висьталіс чолӧмбыттьӧ став украинаса уджалысь йӧзлы да Гӧрд армиялы.

СССР-са правительстволысь уджсӧ ошкисны.

Харьков. Май 3-ӧд лунӧ воссис Ставукраинаса Сӧветъяслӧн 9-ӧд Съезд. Съезд вылын делегатъяс пиын уна эмӧсь роботничаяс да крестьянкаяс. Съезд Президиумӧ бӧрйисны 45 мортӧс, на пиысь 15 мортыс беспартийнӧйяс. СССР-са правительствоӧн удж нуӧдӧм йылысь висьталіс Каменев ёрт. Каменев ёрт докладсӧ висьталіс кык час да джын. Каменев ёрт доклад кузя вензьӧмын сёрнитісны 20 делегат; унджык сёрнитысьыс вӧліны беспартийнӧйяс, улыса удж нуӧданінъясын уджалысьяс, сэсся крестьяна. Найӧ асланыс сёрниас СССР-са правительстволысь уджсӧ ошкисны.