АНГЛИЯСА БУРЖУЙЯС ПОЛӦНЫ РОССИЯСА ПОШТАЫСЬ

Лондон. Россияса представительяслы Лондонӧ пошта воӧ Россиясянь печатайтӧм мешӧкъясын, Англияас оз видлавны письмӧяссӧ, веськыда представительяслы сетӧны. Сы вӧсна англияса парламентас Болдуинлысь юалісны: оз-ӧ пӧ Россияса представительяслы ыстыны Россиясянь бумагаяс да нигаяс англияса правительстволы паныд удж нуӧдӧм йылысь? Болдуин налы воча кыв видзис: англияса правительство пӧ ӧнӧдз некутшӧм лёк вӧчӧм Россияса представительяссянь эз на казявлы, видлавны пӧ налы локтан пошта ӧні нинӧмла на.