МАЙ 1-ӦД ЛУН МУКӦД ГОСУДАРСТВОЯСЫН

Кутны эз вермыны.

Румынияса правительство ёна эськӧ зілис да, эз вермы уджӧдны рабочӧйясӧс май 1-ӧд лунӧ. Став румынияса каръясын рабочӧйяс эз петны пабрик-завод вылӧ уджавны.

Польшаын унаӧс кутӧмаӧсь.

Лодзьын Май медводдза лунас пӧлича арестуйтіс ветымын мортӧс. Найӧс мыжалӧны коммунистъяскӧд май 1-ӧд лун кежлӧ лӧсьӧдчӧмысь.

Май первойӧд лунас Варшаваын арестуйтісны морт кыксё кымын.

Белостокын арестуйтісны дас нёль мортӧс. Найӧс мыжалӧны комсомолын уджалӧмысь.

Вильноын, Прушкувын да Фаленицаын арестуйтісны морт кызьӧс кымын коммунистъяслысь гижӧдъяс разӧдалӧмысь.