ГЫРЫСЬ ЙӦЗӦС ВЕЛӦДӦМ

35 морт пытшкысь велалӧма 27 морт

Погост сиктын (Чуклӧм вӧлӧсьтын, Сыктыв уезд) гырысь йӧзӧс велӧдан школаын помалісны велӧдӧм. Сэні вӧлі велӧдчӧ 35 морт. На пиысь бура велӧдчӧмла кыклы сетісны Уисполкомсянь ыстӧм ошкана эскӧданпасъяс (похвальнӧй лист), куимлы шуисны судзӧдны газет общество «Долой неграмотносьт» сьӧм вылӧ, 22 мортӧс сідз лэдзисны. Ставыс велалі 27 морт. 8 мортыс эз вермыны велавныс омӧля волывлӧмла, ылын олісны да.