РУМЫНИЯСА КОММУНИСТЪЯС ВЫЛЫН СУД

Апрель 28 лунӧ заводитчис суд румынияса коммунистъяс вылын. Судитӧны 70 коммунистӧс. На пиын румынияса коммунист партия Центральнӧй Комитетсьыс шленъяс: Паккер, Доброджану, Фабиан, Иванюш, Мариан да мукӧд. Судсӧ заводитісны сы вӧсна, мед коммунист партиясӧ позьӧ тупкыны законӧн, дзикӧдз пӧдтыны коммунистъяслысь уджсӧ да рабочӧйясӧс дугӧдны коммунистӧ пырӧмысь. Судитана коммунистъясӧс мыждӧны, мыйла найӧ СССР да Румыния кост конференция вылын вӧлі сулалӧны Бессарабияӧс Румыниясьыс торйӧдӧм вӧсна. Сы кындзи мыйкӧ мында коммунистӧс мыжалӧны правительстволы паныд сувтӧм йылысь, гижӧдъяс йӧз пӧвстын разӧдӧмысь, рабочӧй да крестьяна правительство лӧсьӧдны кӧсйӧмысь да правительстволы паныд заговоръяс лӧсьӧдӧмысь. 30 мыжалана коммунистӧс сюйисны нин тюрмаӧ, мукӧдыс вӧля вылынӧсь на.