КОМСОМОЛ ПАСКА КУЛӦМДІНЫН

Комсомол паска кежлӧ заводитчисны апрель дас нёльӧд лунсянь. Нардомын, Кывтыд да Катыд лыддьысян керкаясын чукӧртчылӧм вывъясын вӧчалісны докладъяс: кыдзи лои му, морт, корсянь заводитчис енлы эскӧм да мукӧд пӧлӧс. Крестьяна зэв бура кывзісны докладъяссӧ, ёна юасисны быдтор йылысь. Сэтӧні жӧ лӧсьӧдісны «Безбожник» кружок, пырисны 23 крестьяна.

Вечерняас 8 час рытсянь нардомыс тыр нин вӧлі йӧзнас. Крестьяна вӧлі локталӧмаӧсь Кужсянь, Носимсянь, сэсся Кулӧмдінсаыс. Медся ёна нин вӧлі локтӧма том йӧз. Водзын вӧчисны доклад — кысянь лои паска. Сэсся пуктісны пьеса «Бог отец, бог сын и К-о», бӧрнас сьылісны. Эштіс первой часын кымын.

Вичкоын вӧлӧмаӧсь сӧмын пӧрысь нывбабаяс.

Ге.—Демон.