БУР ЮРАЛЫСЬ КООПЕРАТИВЫН

Бурмӧдіс мельнича

Миян кооператив Сюзяыб деревняын (Кулӧмдін карулын) 1924 воын босьтіс ас кипод улас мельнича. Ставыс нин вӧлі киссьыны кутӧма мельничаыс. Пемыд йӧз ёна паныд вӧлі мунӧны мельник павкӧдчӧм кузя. Шуӧны: нинӧм пӧ кооператив помысь бур оз ло, дзикӧдз пӧ нин киссяс.

Мельнича босьтӧм бӧрын кооперативын юралысьӧ веськалі Микушев Ӧльӧксей.

Кооперативын сійӧ босьтчис чорыда уджавны. Мельничатӧ кыдзи сійӧ лӧсьӧдіс, эгӧ и тӧдлӧ. Войяссӧ вӧлі оз прамӧя узьлы, пыр мыйкӧ котралӧ, йӧзыд ӧні казяліс: кооперативыд пӧ тай бур вӧлӧма, важ мельник помсьыд пӧ эськӧ нинӧм эз лолы. Со на ещӧ лопатнӧйтӧ кооперативыд чинтіс.

Микушев ёрт лавкаас зэв жӧ бура уджалӧ: тӧварыд мыйта колӧ, куйлан тӧвар некутшӧм абу.

Мед эськӧ татшӧм уджалысьыд унджык кооперативъясад.

Дедов.