ЧЕЛЯДЬӦС ОЗ ЛЭДЗНЫ АС ВӦЛЯЫСЬ БЫДМЫНЫ

Коншаса школаын велӧдысь ёрт Северская организуйтӧма челядьсӧ пионер чукӧрӧ. Патераса кӧзяиныслӧн (Опонь Ӧльӧксанлӧн) нылыс тшӧтш гижсьӧма пионер чукӧрад батьыслысь юавтӧг. Сэсся коркӧ батьыд кылӧма сылысь гижсьӧмсӧ да нывсӧ первой бура ёна видӧма да нӧйтӧма. Сэсся ӧтпӧлӧсӧн вӧтлӧма ывлаас — бура дыр сэні видзӧма. Пӧраыс вӧлӧма кӧдзыд. Абу думыштӧма сійӧ, мый сідзитӧ нылыд ӧдйӧджык вермас вошны (прӧстудитчыны да кувны), пионер чукӧрӧ гижсьӧм дорысь. Сэсся ещӧ ёна видӧма велӧдысьсӧ сылысь юавтӧг гижӧмсьыд. Весиг патерасьыд ыстӧма мӧдлаӧ.

Колӧ нин эськӧ бать-мамлы гӧгӧрвоны, мый ӧтчукӧрын быдмӧмысь омӧльыс немтор абу, найӧ сэні велалӧны овны бура, Ленин индӧм туйӧд. Оз ков найӧс топӧдны вӧляысь, быдмӧмысь да велӧдчӧмысь.

«Газетӧ гижысь».