МОРДІН ВӦЛӦСЬТЫН (КУЛӦМДІН КАРУЛЫН)

Выль оланног

Эз на важӧн вӧв Мордінын медводдза выль нога пыртчӧм. Ӧні сэтысь сійӧ вуджис нин сиктъясӧ (деревняясӧ). Мордін бӧрын вӧлі нин сэтшӧм жӧ пыртчӧм Конша сиктын. Сетісны ним Владимир (Ленин кузя).

Ӧні сэсся апрель 12-ӧд лунӧ бара жӧ вӧлі сэтшӧм пыртчан Чӧддін сиктын. Пыртісны кык крестьянин ассьыныс кагаяссӧ ӧти лунӧ (ӧтиыс служитӧ волисполкомын). Нимъяссӧ сетісны «Владимир» (Ленин кузя жӧ) и Лена (Лена ю дорын уджалысь йӧзӧс лыйлӧм казьтылӧм кузя). Пыртігас йӧзыс вӧлі морт 80 гӧгӧр, пӧрысь и том. Найӧ ёна сёрнитісны выль и важ ногса пыртчӧм йылысь.