РУМЫНИЯЫН ДЗЕСКӦДӦНЫ КОММУНИСТЪЯСӦС.

Коммунистъяс пӧ уджалӧны

Румынияса Правительство Софияса собор (Болгарияын) взорвитӧм бӧрын бара зэв ёна кутіс дзескӧдны коммунистъясӧс. Ӧні румынияса пӧлича юӧртіс став йӧзсӧ, военнӧй власьтъяслы пӧ сюри выль документъяс. Сійӧ документъясыс пӧ петкӧдлӧны: большевикъяслӧн пӧ организацияясыс разӧдӧмаӧсь ассьыныс йӧзсӧ став Бессарабия, Буковина да Семиграддьӧ пасьтала. Сійӧ местаясас пӧ большевикъяс кӧсйӧны кыпӧдны йӧзӧс.

Румынияса пӧлича висьталӧм серти жӧ — правительствоыслы пӧ воис юӧр, быттьӧкӧ пӧ румынияса салдатъяссӧ коммунистъясӧ пӧртны ыстӧмаӧсь армияас уджавны гуся агентъясӧс. Найӧ жӧ пӧ кутасны ӧтлаӧ чукӧртавны отрядъяс правительствокӧд косясьны.