БОЛГАРИЯЫН СТОЛИЧААС СОБОР ВЗОРВИТӦМ КУЗЯ

ВЕНА. Болгариясянь воӧм юӧръяс серти, военнӧй судъяс пыр на судитӧны. Болгарияса пӧлича висьталӧм серти, асьсӧ виӧма арестуйтігас коммунист партия Центральнӧй Комитетсьыс шлен Манев ёрт. Манев ёртыс вӧлӧма Комитетсьыс ӧтнас нин вӧля вылын, став мукӧд шленсӧ нин арестуйтӧмаӧсь. Собор взорвитӧмсьыс Болгарияса правительство мыжалӧ Васкоӧс. Сійӧс сы вӧсна арестуйтісны. Сійӧ сӧмын на колян тӧлысяс локтіс Болгарияас Сӧвет Республикаысь. Правительствоыс шуӧ, сійӧ пӧ сэні велӧдчӧма бомбаясӧн вӧдитчыны, (кужӧны ӧд сӧрнысӧ! Редакция). Важӧнсӧ пӧ Васкоыс вӧлӧма гӧрдармееч, сійӧс пӧ повтӧмысла зэв ёна радейтліс Троцкӧй ёрт.