ВОСЬТАЛӦЙ ЯСЛИЯС
Быд тулыс женотделъяс водзын да мама-челядя доръян юкӧдъяс (
Яслияссӧ восьтӧм уджӧ колӧ таво кутчысьны ещӧ нин чорыдджыка. Став сӧвет удж нуӧданінъяслы, медъёнасӧ нин аслыныс крестьянкаясыслы колӧ заводитчыны нуӧдны ясли восьталан уджсӧ.
Ми тӧдам, гожӧмын крестьянкалӧн видз-му уджалігӧн прӧст кад некор оз колльы. Сійӧ ачыс кагасӧ видзны оз вермы. Кага видзны лоӧ кольны мукӧддырйиыс посни челядьлы; найӧ видзӧмӧн зэв унаысь кагаясӧс уськӧдавлӧны, дойдавлӧны нэмыс кежлӧ либӧ кувтӧдз. Сэсся быд крестьянкалы ковмас медавны торъя кага видзысьӧс, мынтыны уна дон. Яслияс кӧ челядьлы восьталам, сэні лоӧны нарошнӧ пуктӧм гырысь йӧз, найӧ кутасны нин бура дӧзьӧритны кагаясӧс.
Март 8-ӧд лунӧ, Ставмувывса нывбаба праздник лунӧ, сёрнитісны быд сиктӧ яслияс восьтӧм йылысь. Потребительскӧй Обществояслӧн торйӧдӧма нин сьӧм мыйкӧ мында яслияс восьтӧм вылӧ. Делегаткаяс пукталӧны спектакъяс, чукӧртӧны сьӧм сы вылӧ жӧ. Апрель 26-ӧд лунсянь май 10-ӧд лунӧдз мунны кутас удж яслияс восьталӧм да сьӧм сы вылӧ чукӧртӧм кузя. Мед эськӧ яслияс восьтӧм уджыс муніс бурджыка, колӧ сиктъясӧ лӧсьӧдавны комиссияяс. Сэтшӧм комиссияясыс кутасны отсавны яслияслы. Медъёнасӧ колӧ тӧждысьны сьӧм чукӧртӧмысь.
Обласьтын нарошнӧ яслияс восьтавны да видзны найӧс сьӧм абу. Колӧ сійӧ сьӧмсӧ корсьны кыськӧ бокысь. Сьӧм чукӧртӧмас колӧ кутчысьны став вӧлӧсьтса уджалысьяслы.
