КЫК ПӦЛӦС ДОН. ЛЕЧИТӦ ПОП

Позтыкерӧсын (Кулӧмдін уездын) поп Тюрнин лечитлӧ йӧзӧс висьӧмъясысь. Лекарствояссӧ коралӧ гижӧдъясӧн пельшӧрлысь.

Мӧдыс аслас «бур сьӧлӧмнас» некор оз ӧткажитлы. Сійӧ эськӧ мед нин, да ӧд попыд лечитлӧ сӧмын пемыдджык нывбабаясӧс, мед найӧ ругасӧ унджык мужикъяссяньыс гусьӧннас (а мукӧдыс и явӧ) сетасны да самӧкурнас юкталасны.

Та серти кӧ артавны, крестьяниныдлы лекарствоясыс сюрӧны кык пӧлӧс дон вылӧ: ӧти-кӧ — лекарствоыс дон сувтӧ, мӧд-кӧ — унджык руга. Кыкнан пӧлӧс доныс поплы зептас. Колӧ попӧс дугӧдны пельшӧр лекарствоӧн лечитӧмысь.