ЛЕТКА ВӦЛӦСЬТЫН

(Сыктыв уездын)

Волисполком удж йылысь

конференция ёна сёрнитіс. Исполкомлы конференция тшӧктіс прамӧйджыка видзӧдлыны кустаръяс вылӧ. Налогсӧ на вылӧ зэв гырысьӧс пукталӧмаӧсь да, найӧ некыдзи оз вермыны уджас кутчысьны.

Волисполком доклад кузя конференция шуис: волисполкомлы водзӧ кежлӧ конференция вылын доклад вӧчигӧн аслас удж кындзи колӧ висьтавны, кыдзи мунӧ уджыс волисполком бердын маті сулалысь удж нуӧданінъясын (ликпунктын, школаын, лыддьысян керкаын, с.в.). Конференция шуис корны выліджык удж нуӧданінъяслысь, мед кутшӧмкӧ «причча» суӧмысь страхӧвӧй премиясӧ пырысьтӧм-пыр жӧ сетіс крестьяниныслы волисполком. Ачыс волисполкомыс бӧрыннас нин мед судзӧдас премиясӧ страхӧвӧй агентствоысь.

Кооператив удж йылысь

доклад вӧчӧм бӧрын конференция шуис: зільны шленӧ кооперативӧ пыртны став крестьянасӧ.

Йӧзӧс югдӧдан удж йылысь

конференция тшӧктӧ волисполкомлы корны Уисполкомлысь да УОНО-лысь, мед Сыктывдінкарса педтехникумӧ босьталісны Летка вӧлӧсьтысь челядьсӧ унджыкӧс да сетісны налы стипендия, абу налӧн крестьяна костас югдӧдан уджсӧ нуӧдысьыс да.