СИКТСА СӦВЕТЪЯСЫН УДЖ КЫПТӦ
Сӧветъяслы колӧ ёна матыстчыны йӧз дінӧ. — Сельсӧвет бӧрйыны быд сиктӧ, кӧні олысьысь 300 мортысь уна. — Волисполкомъясын колӧ лӧсьӧдавны секцияяс.
Сӧветъясын удж бурмӧдӧм могысь ССРС-са Центральнӧй Исполком бердын уджалӧ сӧвещанньӧ. Сӧвещанньӧса шленъяс да мукӧд партийнӧй да сӧветскӧй удж нуӧдысьяс мунасны каръясӧ да сиктъясӧ видлавны сӧветъяслысь удж. Ӧнӧдз видлалӧма 31 губерня улысь 56 волисполком да 115 сиктса сӧвет.
Неважӧн сӧвещанньӧса став шленыслӧн вӧлі заседанньӧ. Сёрнитісны сэні вӧлӧсьтувса овмӧс йылысь да сиктса сӧветъясын удж бурмӧдӧм йылысь.
Сӧветъясын уджалӧм крестьянаӧс заводитӧ интересуйтны. Войдӧр сӧветъясӧ бӧрйысигӧн крестьяна вӧлі локтӧны омӧля. Бӧръя бӧрйысигас вӧлі локтӧны нин. Тӧдӧмысь, сиктса сӧветъясын удж ёна на колӧ бурмӧдны: колӧ ёнджыка матыстчыны крестьяна дінӧ, колӧ кутны бурджык волысьӧм уездкӧд да губернякӧд (обласьткӧд). Сельсӧветъяс колӧ бӧрйыны (лӧсьӧдны) быд сиктӧ, кӧні олысьыс 300 мортысь унджык. Волисполкомъясын колӧ лӧсьӧдны комиссияяс (секцияяс): видз-му уджалӧм йылысь, финанс-вотъяс йылысь, вӧлӧсьтса овмӧс кутӧм йылысь, югдӧдчӧм-велӧдчӧм йылысь, кооперативъяс йылысь.
Сӧвещанньӧ шуис лыддьысьны крестьяна норасьӧмъясӧн да гырсьӧдӧм вӧлӧсьтъяслысь вежлавны вежтассӧ (
