МИЯН ПОСОЛ КИТАЙЫН СТАРШИНА МУКӦД ГОСУДАРСТВОСА ПОСОЛЪЯС ВЫЛЫН

Пекин (Китайын столича). Мукӧд государствоса представительяс ыстісны гижӧд миян посол Карахан ёртлы. Гижӧдас юӧртӧны: ми пӧ лыддям Карахан ёртӧс став посолъяс чукӧрас старшинаӧн став праванас, кутшӧм сетсьӧ старшиналы быд государствоса столичаясын.

Татшӧм гижӧд водзвылас мукӧд государствоса посолъяслӧн Пекинас вӧлі зэв уна сӧвещанньӧ. Водзджыксӧ найӧ вӧлі надейтчӧны, Карахан ёртлы пӧ лоӧ пырысьтӧм-пыр бӧр мунны Пекинысь. Сэсся аддзисны, Карахан ёртыд крепыда пукалӧ да, налы быть лои лыддьыны старшинаӧн.