ПОШТА КУД

Н. Меньшиковлы. Новгород губерняувса Кречевицы карӧ. Ми ёрта-ёртнымӧс огӧ гӧгӧрвоӧй, вӧлӧмкӧ. Тэ тай, ёрт, сэсся зэв радейтан видчыны. Тэ тшӧктӧмыд аслад статьяын чукӧр «Коми кыв» лӧсьӧдны кутшӧмкӧ велӧдчан бердын. Мый сійӧ кутас вӧчны? Коми кывсӧ велӧдны? Али лӧсьӧдны? Кыдз нӧ коми кывсӧ лӧсьӧдан? Терминъяс кутшӧмсюрӧ, гашкӧ, позяс лӧсьӧдны. Дай сійӧ колӧ. Став коми кывсӧ нӧ кыдзи дай мыйла лӧсьӧдныс? Эм нин да. Лӧсьӧдӧм пыдди шыльӧдны колӧ — сы кузя некод оз вензьы.

Спира Прокӧлы. Кӧрткерӧс. Сар чӧвтан лун колльӧдӧм йывсьыд сёрмис.

Вӧлилы, Абъячой. Нывбаба лун колльӧдӧм йывсьыд сёрмис.

Лапотьлы. Паджга. Ыстӧм гижӧдъяссьыд газетӧ нинӧм эз шогмы.

Сюзяыб. Дедовлы. Март 8-ӧд лун йывсьыд ёна сёрмис.

Батькалы. Грива. «Квайт али вит да джын» гижӧдыд оз мун. Поп горштӧ ӧд быдӧн тӧдӧны. Ачыд со тӧдан и. Нинӧм сэтшӧм гижӧдъяснад газет тыртны.

Поповлы. Кӧрткерӧс. Письмӧяс вӧрӧдӧм йывсьыд оз мун. Асланыд ӧд сійӧс позьӧ жӧ нин вештыны, газетӧ лэдзтӧг.