АСЛЫССЯМА ДОКТОР

Кӧрткерӧсын (Кулӧмдін уездын) эм «бур доктор» Петыр Иван Микулай. Ошйысьӧ быд висьӧмысь лечитны магнетизмӧн. Сійӧ босьтчӧма лечитны Педӧр Митрей Ӧльӧӧс. Сылӧн вӧлі параличӧн слабитӧма шуйга кокыс да юрнас вӧлі норасьӧ. «Докторыд» лун куим-нёль лечитӧма морттӧ. Водтӧдас пӧ гатшӧн да пидзӧснас став вынсьыс муркйӧдлыны кутас рушку вылас. Сэтшӧма «лечитӧма», лун-мӧд мысти висьысьтӧ лоӧма нуны больничаӧ. Больничаын сэсся мортыд и кулі.

Колӧ эськӧ дугӧдны нин татшӧм «докторъяс» ордад «лечитчыныд» коми войтырлы. «Докторъяссӧ» дугӧдны «лечитчӧмысь».

Кӧк.