КОДКӦ ВӦЧАС, КОММУНИСТЪЯСӦС МЫЖАЛАСНЫ

Лыйлӧмаӧсь 500 мортӧс

ВЕНА. Болгарияса правительство Софияысь собор взорвитӧмсьыс зільӧ мыждыны болгарияса Коммунист партияӧс. Арестуйтісны партия Центральнӧй Комитетсьыс председательсӧ Янков ёртӧс, сылысь вежысьсӧ (заместитель) Минков ёртӧс да мукӧд юралысьяссӧ партиясьыс. Минков ёрт войдӧр вӧвлӧма офицерын да, пӧличаыс шуӧ: сійӧ пӧ вӧчис собор взорвитанторсӧ. Кывсьӧ, Минков пӧ арестуйтігас кутӧма водзсасьны да сійӧс пӧ пӧличаыс виӧма. Сэсся арестуйтӧмаӧсь крестьяна союзлысь став правленньӧсӧ. Югославияса газетъяс гижӧны, соборсӧ взорвитӧмысь пӧ лыйлӧмаӧсь нин 500 мортӧс.