ПОМЕЩИКЪЯСӦС ЫСТАЛАМ

Россияын, сӧмын 22 губерня улын, ӧнӧдз на вӧлі олӧны асланыс именньӧясын 1.700 помещик. Ӧні Центральнӧй Исполнительнӧй Комитет шуис найӧс ыставны да налысь видз-мусӧ сетны крестьяналы.

Помещикъяс пӧвстын унджыкыс важ моз вӧлі сетӧны ассьыныс видз-мусӧ кӧртымӧн да уджӧдӧны гӧль йӧзӧс. Сэтшӧм помещикъяссӧ ставсӧ ыстасны 1926 вося январ 1-й лунӧдз. Сэсся помещикъяс пӧвстын жӧ вӧліны сэтшӧм йӧз, кодъяс нажӧвитісны видз-мусӧ асланыс удж помысь дай ӧні оз уджӧдны гӧль йӧзӧс. Сэтшӧм помещикъясӧс Сӧвет правительство ыставны эз шу.

Крестьяна та серти гӧгӧрвоӧны: сӧвет правительство гӧль йӧзӧс ӧбӧдитны оз сет. Дась нянь сёйысьясӧс юрӧдыс оз жӧ малав.