ЗИНОВЬЕВ ЁРТЛӦН КРЕСТЬЯНАЯСКӦД СЁРНИ

Ленинградын вӧлі сёрни Зиновьев ёртлӧн Ленинград Губерняувса Сӧветъяс Съезд вылӧ воӧм крестьянаяскӧд. Зиновьев ёрт юасис крестьяналысь сиктъясын уджалӧм йылысь.

Крестьяна висьталісны: медбӧръя сельсӧветас бӧръян ногыс пӧ (порядок) зэв сьӧлӧм вылас воис крестьяналы. Сійӧ ногнас пӧ крестьяна вермисны бӧрйыны сельсӧветъясӧ, волисполкомъясӧ, уисполкомъясӧ бур уджалысь йӧзӧс, кодъяс вылӧ эм ыджыд надея крестьяналӧн.

Сэсся сэні крестьяна шуисны, сельхозналог мынтан срокъяс пӧ ӧтлаасьӧны мукӧд пӧлӧс налог мынтӧмъясӧн да мынтыныс пӧ сьӧкыд. Вузасян кооператив пӧ ӧнӧдз на эз вермы судзӧдны сиктъяслы колан тӧвар. Сэсся крестьяна шуисны — колӧ пӧ сиктъясын ёнджыка кутчысьны йӧзӧс югдӧдан уджӧ.