ЖУГӦДАЛӦНЫ

София (Болгарияын). Соборас вӧлі панапида ӧти виӧм депутат Георгиевлы. Панапида дырйиыс соборсӧ кодъяскӧ взорвитісны. Взрывнас соборыслӧн став пӧтӧлӧкыс уси да ещӧ ӧти башня киссис. Пӧжарнӧй командаыс перйис жугалӧм соборсьыс 150 морт шой да кымынкӧ сё ранитӧмӧс. Сарыс панапида вылас абу вӧлӧма. Премьер-министр Цанков, мукӧд государствояскӧд удж нуӧдысь министр, военнӧй министр Волков доймӧмаӧсь. Пӧлича начальникыс генерал Кисев, городскӧй гӧлӧва Паскалев, важ военнӧй министр Найденов да Цанковлӧн секретарыс кулӧмаӧсь. Ёна доймӧмаӧсь генералъяс Давидов, Нерезов, Лолов, парламентын председательыс Кулев да Софияса митрополитыс. Взрыв бӧртиыс пыр жӧ чукӧртчыліс министръяслӧн сӧветыс да шуис лӧсьӧдны Болгарияын осаднӧй положенньӧ. София кар кузяыс дугӧдісны став ветлӧдлӧмсӧ, сӧмын салдатъяс автомобильяс вылын ӧтарӧ-мӧдарӧ уличаяс кузяыс ветлӧдлӧны.

Зэв унаӧс арестуйтӧмаӧсь. Кодъясӧс вӧлі чайтӧны уджаліг гуся организацияясын, вайисны Софияӧ, кӧсйӧны сетны военнӧй судӧ. Сӧмын ӧти карын (Выль Загораын) арестуйтӧма сё ветымын морт.