ГОМИНЬДАН РКП-кӧд

ПЕКИНӦ локтісны Дальневостокса республикаын ЦК РКП-сьыс секретарыс Кубьят да Ревкомсьыс председательыс Гатарник. Налы паныд петісны правительствоса представительяс. Воӧм вӧснаыс вӧчӧмаӧсь банкет (гажа пукалӧм). Сійӧ банкет вылас вӧлӧмаӧсь Гоминьдан партияысь нырщикъясыс. Карахан ёрт висьталіс, кутшӧм бур сетас тайӧ кык партиялӧн ӧтувтчӧмыс. Сійӧ шуис, ленинизм пӧ да сунъятсенизм — медбур оружйӧ Китайлы мездысигӧн мукӧд государствоса капиталистъясысь. Воча кывъясас Гоминьдан партияса представительясыс висьталісны, мый Гоминьдан ӧтвылысь РКП-кӧд кутас косясьны капиталистъяскӧд ставмувывса гӧль йӧзӧс мездӧм вӧсна.