ПОШТА КУД

Д. Куликовлы. Кооператив йывсьыд оз мун. Керка кӧ ӧд ньӧбис сійӧ аслас лавка вылӧ, оз на позь сійӧн шуны ёна кыптӧмӧн.

Спира Прокӧлы. Кӧрткерӧс. «Киссьӧм школа» стихотворенньӧыд оз мун. Абу, зонмӧ, артмӧма.

Гӧрд юрлы. Ношуль. Март 8-ӧд лун колльӧмыд сёрмис.

Шыш пилы. Поёл. Комсомолка йывсьыд гижӧдтӧ газетын эгӧ лэдзӧй. Тэнад колі гижны тшӧтш ним-овтӧ да адрестӧ, сэк эськӧ позис лэдзны.

А. С. Скриповлы. Чукаыб. Тэнсьыд стихъястӧ сетім Коми нига лэдзанінӧ.

Асыклы. Помӧсдін. Лямпа иславтӧм йывсьыд оз мун. Ӧні тулыс нин воис пӧшти, тэ вӧлисти гижан.

Бумагалы. Абъячой. Ёрт, висьтав веськыда: быдӧн ӧд тӧдӧны попыдлысь «чистӧй молитванад» ветлӧмтӧ. Тӧдӧны ӧд? Тӧдӧны, сійӧ сэки босьтӧ нянь; босьтас быдтор, мый сетан. Кымын уна, сымын сылы нимкодь. Быдӧнлы тӧдӧмтортӧ нинӧм газетын лэдзӧмысь.

Селькорлы 18 №. Абъячой. Кутшӧм кӧ овсӧ он тӧд ачыд объездчикыдлысь, эз и ков гижны. Сэсся тэ нинӧм абусӧ жӧ нин гижан дай.

Степӧ Цывунинлы. Перымӧ. «Квайт лунӧн абу артмӧма мир» статьяыд газетын оз мун, оз тырмы местаыс да. Медым оз вош тэнад пуктӧм выныд гижӧм вылас, сетім Коми литература лӧсьӧданінӧ.

Жельнӧглы. Палаззя. «Караул, сграбили» гижӧдыд газетӧ оз мун. Гусясьысьясыд быдлаын на эмӧсь, сэтшӧмъяссӧ колӧ велӧдны судӧн.

Биа Ньӧвлы. Зеленеч. Мый позяс тэнад гижӧдъясысь газетӧ босьталам. Водзӧ кежлӧ колӧ гижны кыдз позяс дженьыда, сӧмын мед вӧлі гӧгӧрвоана. Ёна посниторъяс йылысь газетӧ гижны оз ков.

Нёбдінса комсомолечлы. «Нёбдінса больнича» гижӧдтӧ ыстім Обласьтувса дзоньвидзалун кутан юкӧдӧ (Обздравӧ).

Мусинлы. Помӧсдін. Ыстӧм гижӧдыд спектак йывсьыд газетын оз мун.

Думайтысь мортлы. Гаръя. «Еретнича» йывсьыд оз мун. Ми газетын гижлім нин, мыйла мӧсъяслӧн мукӧддырйи пельыс усьлывлӧ, мый вӧсна йӧзыд тӧдтӧмнысла шуасьӧны абутӧм «еретничаяс» вылӧ.

Сигъёльлы. Мордін. Хлебопродуктса приказчик йывсьыд гижӧмыд, ассьыд ним-овтӧ пасйыны абу путьмӧмыд. Сы вӧсна шыбитім кӧрзинаӧ.