МИ КЫЛАМ

Нёбдінын (Кулӧмд. у.) А. А. Шаманов чукӧртіс МОПР шленъяслысь сьӧм да сьӧмнас Лӧкчимӧ и муніс. Шленъяслы весиг билетсӧ эз сетав.

Мордін вӧлӧсьтын (Кулӧмдін у.) эм куим кооператив. Куимнан лавкаыс, «Югыд туй» кындзи, ӧти газет ни, журнал ни сэсся оз судзӧдны.

Дереваннӧйса кооператив весиг «Югыд туй»-сӧ оз судзӧд.

Сыктывдінкарса больничаын эм пельшӧр Жижов ёрт. Сійӧ пӧ век на важ чиновник кодь, сиктса пемыд мортыд пӧ он куж сы дінӧ матыстчыны, пыр пӧ горзӧ висьысьяс вылад мый вермӧмсьыс.

«Деревняысь локтысь» Жижов йылысь со кыдзи гижӧ:

«Висьысьыд пырас больничаад да, Жижов ёртыд видзӧдлас сы вылӧ ош моз, плеш увсяньыс. Сэсся кор матыстчан сы дінӧ, горӧдас мый вермӧмсьыс: кыдзи пӧ тэнад ним-овыд?! Полысьджык сиктса мортыд сэтчӧ и падмас, бур здук оз вермы кывсӧ шуны. Сэтчӧ Жижов ёнджыка горӧдас, да видзӧдан да, висьысь мортыдлӧн синваыс нин доршасьӧма».

Жижов пӧ гижалӧ доктор дінӧ пырысьясӧс, гижалӧ зэв надзӧн, а часыс кӧ тырас, шабаш.

«Кӧть ӧти морт, а оз гиж, аски пӧ лок — шуас, да-й мунас... Быд висьысь норасьӧ сійӧ горзӧм, чирзӧм вылӧ».

Дзоньвидзалун кутан юкӧд, оз-ӧ позь Жижов ёртӧс неуна чирыштны.

К.