«НЕТ-С, НЕ ХОЧУ-С!»

(Сыктыв уездувса Ыб вӧл.)

Мӧдарыб школаын велӧдысь Мальцова быд рыт ывла вылын том йӧзкӧд ноксьӧ, тшӧтш ызгӧ да шатлалӧ. Коран кӧ спектак вылын ворсысьяс кружокӧ, оз лок. Шуас: «Нет-с! Я не хочу-с!..» Пыралас мукӧддырйи репетиция вылад, видзӧдлас, да бӧр тӧвзьыштас ывлавывса том йӧзкӧд шатлавны. Кыкысь нин сідзи вӧлі.

Апрель 10-ӧд лунӧ сідз жӧ вӧлі мунӧ репетиция. Воліс тшӧтш Мальцова, сӧмын кружокын отсасьӧм пыдди да ворсӧм пыдди пырысьтӧм-пыр муніс бӧр. Мед нин эськӧ муніс, да петігас кильчӧсӧ игналӧма, кӧть сэсся ӧшиньӧдыс пет. Со кутшӧма сійӧ отсасьӧ...

Ай да велӧдысь! Войтырӧс бур вылӧ велӧдӧм пыдди войпукны велӧдӧ. Дыр-ӧ нӧ кутас тадзисӧ велӧдны?

Пемыд мужик.