ЛАДНӦ-Ӧ ВӦЧӦМАӦСЬ?

(Кулӧмдін уездувса Вомын вӧлӧсьт)

Вомынын вӧлі собранньӧ чери кыян местаяс йылысь. Ёна сёрнитӧм бӧрын шуисны: быдсяма чери кыянін сетны кӧртымӧн. Ме ногӧн кӧ, тадзи оз артмы. Кӧртымӧ колӧ сетны гырысьджык тыяс да висъяс, кодъяс гожӧмбыд оз косьмывны. Видз сёнъяс да посни косьмылан висъяс, ме ногӧн кӧ, колӧ кольны сідзи, мед крестьяниныс тулыснас потшыштас аслас видз вылын да ачыс и кыяс (шедас кӧ пунт 10 кымын).

Сэтшӧминъяссӧ оз позь кӧртымӧн сетны нӧшта со мый понда: крестьянин мынтӧ видзсьыс вот; сетан кӧ сійӧ видзсӧ мӧдлы (чери кыйысьлы), зэв ёна таскайтасны, ӧти-кӧ — таляласны, мӧд-кӧ — видз вылад тувъявласны майӧгъяс, ваяласны лӧп, косяласны да кыскаласны зорӧд потшӧстӧ.

Ми юалам обласьтувса Видз-му Управленньӧлысь, ладнӧ-ӧ шуисны чери кыйӧм йылысь? Эз-ӧ ков ме ногӧн вӧчны?

Сизь.