ВОМЫНЫН МЕДВОДДЗА ОКТЯБРИНА

Март 29 лунӧ Вомынса волисполкомын вӧлі медводдза октябрина. Пыртісны гр. Ӧльӧксей Ёгорович Исаковлысь кагасӧ (Габӧ Ӧльӧлысь). Исаков ёрт — крестьянин, некӧн оз служит ни нинӧм. Пионеръяс босьтісны шефство, гижисны кагасӧ пионерӧ, сетісны гӧрд галстук да значок. Коммунистъяс, комсомолечьяс да профсоюзса шленъяс сетісны козин (пӧдарки): дӧрӧм да чышъян; исполкомын служитысьяс сетісны 1 шайт деньга. Йӧзыс чукӧрмыліс зэв уна, морт 120 кымын.

Коммунист ячейка.