КОРӦНЫ КРЕСТЬЯНА ГАЗЕТ.

ВЕЛӦДАМӦЙ МӦДА-МӦДНЫМӦС

Миян Коми обласьтын агрономъяс этша на. Крестьяна кыссьӧны выль ногӧн овны, уджавны. Сьӧлӧмсянь кывзӧны газетъясысь, нигаясысь лыддьӧм да висьталӧм.

Ме ногысь, колӧ лӧсьӧдны крестьяналы бура гӧгӧрвоана журнал ли, газет ли донтӧминик донӧн, мед эськӧ сійӧ газет пырыс коми крестьяна велӧдчасны мӧда-мӧдныслысь да агрономъяслысь видз-му бурджыка уджавны да кыпӧдны овмӧс.

Зӧвсьӧртса В. Е. Климушев.