ПАДЖГАЫН
(Сыктыв уездын)
Паджгаын конференция вӧлі март 24-ӧд лунын. Йӧзыс вӧлі ветымын морт.
Обисполкомса удж йылысь
доклад вӧчӧм бӧрын конференция шуис:
Обисполком уджалӧ бура, зільӧ лэптыны овмӧс коми крестьяналысь. Водзӧ кежлӧ крестьяна тшӧктӧны Обисполкомлы водзӧ нуӧдны удж улі (сиктса) сӧветъясын удж нуӧданінъяс ёнмӧдӧм, бурмӧдӧм йылысь; индавны выльлаӧ овмӧдчысь йӧзлы местаяс да кыдз верман налы отсавны овмӧдчыны. Налогъяс лӧсьыдджыка юклыны сиктъяс костын да торъя крестьяна кост; зільны содтыны дон кер лэдзысьяслы уджалӧмысь да нюжӧдтӧгджык мынтавны. Унджык сетны сьӧм видз-му бурмӧдӧм вылӧ.
Волисполком удж йылысь
доклад бӧрын шуисны: волисполкомлы ёнджыка видзӧдлыны став вӧлӧсьтса йӧзӧс югдӧдан да торгово-кӧзяйственнӧй удж вылас. Сы вӧсна тшӧктыны быд исполкомса заседанньӧ вылын вӧчны докладъяс сійӧ уджъяссӧ нуӧдысьяслы. Йӧзсӧ сӧветса удж дінас матыстӧм вӧсна тшӧктыны волисполкомлы висьтавлыны аслас удж йылысь куим тӧлысь пиын ӧтчыд. Гӧрдармееч семьяяслы, инвалидъяслы да гӧль йӧзлы отсавны мӧда-мӧдлы отсасян комитет пыр либӧ обсобес пыр.
Колян во уналаті неладнӧ вӧлӧма сельхозналог лӧсьӧдлігӧн; таво сэтшӧмъяссӧ не вӧчны, налог босьтан гижӧдъяссӧ лыддьыны собранньӧяс вылын, мед оз лоны некутшӧм ӧшыбкаяс. Гӧгӧрбок, лючки видлавны крестьяна вӧр (
Удждысян тӧварищество
удж йылысь доклад вӧчӧм бӧрын шуисны: водзӧ нуӧдны скӧт бурмӧдан да йӧз пӧвстӧ бур кӧйдыс разӧдан уджъяс, кыдзи налӧн вӧлі лӧсьӧдӧма нин. Сэсся мед коми Сельхозбанк оз сетав крестьянскӧй пайяссӧ, коді оз уджды 50 шайтысь унджык.
