ЛОЙМА ВӦЛӦСЬТЫН

(Сыктыв уездын)

Конференция вылын вӧліны 43 делегат.

Вӧлі волисполкомса удж йывсьыс доклад. Удж нуӧдысьясыс волисполкомын ставыс гӧлиник крестьяна. Став вӧлӧсьтса овмӧс нуӧдӧмсӧ волисполкомыс вӧчӧ лӧсьыда. Быд кык тӧлысь пиын собранньӧ вылын висьтавлӧ йӧзлы аслас удж йылысь. Мукӧд вӧлӧсьтса удж нуӧданінъяс волисполкомлы висьтавлӧны аслас удж йылысь. Сэсся овлӧны мӧда-мӧд собранньӧяс вылын.

Му уджалӧм омӧль.

Му уджалӧм мунӧ омӧля. Муяс посньыдикӧсь, уна пельын да ылынӧсь. Бӧръя му юклӧмыс бурсӧ вайис зэв этша, сӧмын ӧтыдждаалыштісны.

Налог мынтӧны.

Налог мынтӧны бура. Мынтӧны кадын. Ӧні мукӧдыс ичӧтика мынтӧмысь сёрмыштісны, Северолес кер лэдзӧмысь оз лӧсьыда мынты да. Конференция корӧ, мед сэтшӧмъясыслы налогысь оз пуктавны пенясӧ.

Школаяс.

Вӧлӧсьтас куим школа. Уджалӧны лӧсьыда. Йӧзыслы зэв абу любӧ, семилетка (сизим во чӧж велӧдан) школасӧ тупкисны да.

Гырысьӧс велӧдан школаӧ кутісны волывлыны бура.

Кооператив.

Кооперативын 420 морт. На пиысь 57 нывбаба. Кооперативыслӧн сьӧмыс этша да, оз вермы судзӧдны мыйта колӧ тӧварсӧ. Сотчӧм кооператив местаӧ сувтӧдісны ӧні выльӧс, бурджыкӧс. Конференция шуис корны сьӧм Госбанкысь, унджык тӧвар судзӧдны.

Удждысян тӧварищество.

Уджалӧ лӧсьыда, вузасьӧ му-видз уджалан кӧлуйӧн; йӧзыс видзӧдӧны тӧварищество вылас бура.

Ӧні тӧвариществоыс кӧсйӧ лэптыны кирпич завод. Сэсся вӧлӧсьтас эм вый вӧчан артель. Уджас артельыс прамӧясӧ эз на кутчысь.

Машиннӧй тӧварищество судзӧдіс ӧні вартан да кӧйдыс весалан машинаяс.

М. Попов.