КОММУНИСТ ПАРТИЯӦН ВӦЧӦМ МИТИНГ БЕЛЬГИЯЫН

Коммунист депутатъяс парламентын чуксалӧны отсавны налы революция удж нуӧдны.

Париж. Бельгияын Коммунист партия первой на вӧчліс Брюссель карын (Бельгиялӧн столича) зэв ыджыд митинг. Митинг вылас кыв висьталісны Бельгияса парламентса коммунист депутатъяс (парламентӧ бӧрйӧмъяс). Найӧ чуксалӧны эмбуртӧмъясӧс отсавны парламентын революция удж нуӧдны. Митинг бӧрас первой на Бельгияын вӧлі Коммунист партияӧн лӧсьӧдӧм манифестация. Рабочӧйяс мунісны манифестациянас Брюссельын став гырысь уличаясӧдыс Интернационал сьылӧмӧн. Рабочӧйяс вӧліны зэв унаӧн. Сідзкӧ Бельгияса рабочӧйяс заводитчисны мунны Коммунист партиякӧд.