ПОШТА КУД

Педтехникумын велӧдчысь крестьянин пилы. «Кӧсйысям ми отсавны тіянлы» статьяыд оз мун. Ми ставнаным кыкнан кинымӧс тіянлы сетам тіянӧн удж босьтчӧмлы. Сӧмын ошйысьны нинӧм. Уджалӧй, сэки крестьяна ошйысьтӧг асьныс аддзасны тіянлысь уджтӧ.

Польчилы. Пожӧг. Школаын велӧдысь йывсьыд гижӧдтӧ ыстім Обоноӧ.

Спира Прокӧлы. Кӧрткерӧс. «Кер лэдзигӧн» стихотворенньӧыд оз мун.

Степӧ Цывунинлы. «Неуна коми крестьяна быт вӧсна» гижӧдыд оз мун газетын. Сетім Коми литература лӧсьӧданінӧ.

К. Туркинлы. Сыктывдінкар. «Сиктса сӧветӧ бӧрйысьӧм» висьтасыд газетӧ эз шогмы.

В. К-лы. Педтехникум. Поёлса пионеръяс чукӧр йывсьыд газетын оз мун.

Уна пиысь ӧтиклы. Мордін. «Вера йылысь вензьӧм» гижӧдыд оз мун. Комиӧн гижан лӧсьыда. Гиж водзӧ.

Сиктса мортлы. Кыркӧтш. Кыркӧтшса олӧм йывсьыд ёна сёрмис. Газетын оз мун. Гиж водзӧ, ёна виччысям. Гижан комиӧн лӧсьыда.

Гӧрдармееч А. Козловлы. Луга кар. Некод ӧд, ёрт, оз ошкы картіасьӧмтӧ, некод оз шу, мый сійӧ буртор, ещӧ кӧ сьӧмысь картіасьны. Дерт, нига лыддьӧмыд сё пӧв бурджык.

Ме да мӧйлы. Грива. Вичко арендуйтӧм йывсьыд оз мун. Оз кӧ сетны енлы эскысь йӧзыд, кысь налысь босьтан, оз позь.