КРЕСТЬЯНА КОНФЕРЕНЦИЯЯС ВЫЛЫН

Часын (Емдін уездын) конференция муніс апрель 4-ӧд да 5-ӧд лунъясӧ. Делегатъяс пиас вӧлі 8 нывбаба.

Волисполком доклад бӧрын конференция вылын делегатъяс шуисны нуӧдны водзӧ му юклӧм удж, зільны ӧдйӧджык вӧчны школа да пӧжарнӧй амбар.

Кооператив удж йылысь доклад вӧчӧм бӧрын ёна сёрнитісны кооператив йывсьыс. Индалісны — кооперативыс пӧ оз вай сэтшӧм тӧвар, кутшӧм колӧ крестьяналы.

Позтыкерӧсын (Кулӧмдін уездын) конференция муніс апрельын 5−11 лунъясӧ. Конференция уджсӧ нуисны зэв зіля да ӧтвылысь.

Восьтісны мелиоративнӧй тӧварищество. Гижсисны 75 морт. Волисполком бердӧ восьтісны секцияяс: му-видз уджалан, йӧзӧс югдӧдан, санитарнӧй да налогӧвӧй. Сэсся шуисны восьтыны челядь ясли.

Селькор Изъюров.