ВОЛИСПОЛКОМСА ПРЕДСЕДАТЕЛЬӦС СУДИТӦМ

КУРСК. Заводитчис суд Стахановскӧй волисполкомса председатель Кураков вылын. Мыжалӧны сійӧс законысь кежӧмысь да крестьянаӧс ӧбӧдитӧмысь. Суд вылӧ корӧма 40 свидетель. Кураков кутӧ асьсӧ зэв вылын, тшӧктӧ делӧсӧ видлавны йӧз водзын (не пӧдса ӧдзӧсӧн); чайтӧ, буракӧ, йӧз водзын пӧ нывбабаяс яндысясны да оз висьтавлыны сылысь мырдӧналӧмъяссӧ. Кураков зільӧ увтыртны корӧм свидетельяссӧ, найӧс нимтӧ «белогвардеечьясӧн». Кураков, аслас висьтавлӧм серти, повзьӧдлӧма крестьянасӧ да кутлӧма вӧлӧсьтсӧ аслас кабырын.